456
16 ნოემბერი 2019, 22:45
Euronews-ის ინფორმაციით, პრაღაში პრემიერ-მინისტრის, მილიარდერი ანდრეა ბაბიშის გადადგომის მოთხოვნით აქციაზე 200 ათასი ადამიანი გამოვიდა. აქციის ორგანიზატორებმა ქვეყნის პრემიერ-მინისტრს ულტიმატუმით მიმართეს: ან უარი თქვას ბიზნესებზე ან 31 დეკემბრამდე თანამდებობა დატოვოს.
როგორც Euronews-ი წერს საპროტესტო აქციაზე პრაღაში ადამიანები რეგიონებიდანაც ჩამოვიდნენ. მიუხედავად ფართომასშტაბიანი აქციისა, ჩეხეთის პრემიერ-მინისტრი გადადგომას არ აპირებს და არც შეშფოთებას გამოთქვამს მიმდინარე მიტინგების გამო. ის თვლის, რომ ამომრჩეველთა ნაწილის მიერ უკმაყოფილების გამოხატვა ჯანსაღი დემოკრატიის მაჩვენებელია.
2019 წლის სექტემბერში ჩეხეთის პრემიერ-მინისტრ ანდრეი ბაბიშს თაღლითობის ბრალდება მოუხსნეს. Euronews-ის ცნობით, მას ბრალი საბიუჯეტო სახსრების მითვისებაში ედებოდა.
პრაღაში, ჩეხეთის პრემიერ-მინისტრის გადადგომის მოთხოვნით, მასშტაბური საპროტესტო აქცია 2019 წლის ივნისშიც გაიმართა - პრაღის ქუჩებში 250 000 მოქალაქე გამოვიდა. ორგანიზატორების განცხადებით, ასეთი მასშტაბის დემონსტრაცია არ ჩატარებულა.
| სარეკლამო ადგილი - 11 650 x 60 |
