საოკუპაციო რეჟიმის მიერ დაკავებული ექიმის, ვაჟა გაფრინდაშვილს საქართველოს მასშტაბით 60-ზე მეტ კლინიკაში მხარდაჭერას გამოუცხადებენ.
აქცია 12:00 საათზე დაიწყება. ექიმები ყველა კლინიკის წინ გამოვლენ , საიდანაც პირდაპირი ჩართვები და ფეისბუქლაივები გაიმართება.
საქართველოს პარლამენტის განათლების, მეცნიერებისა და კულტურის კომიტეტის თავმჯდომარე და ჯანმრთელობის დაცვისა და სოციალურ საკითხთა კომიტეტის წევრი მარიამ ჯაში აქციას მე-9 საავადმყოფოში შეუერთდება.
საქართველოს მოქალაქე, თბილისში მცხოვრები ექიმი ვაჟა გაფრინდაშვილი ოკუპირებული ორჭოსანისსიახლოვეს რამდენიმე დღის წინ დააკავეს. ექიმის წინააღმდეგ დე ფაქტო რეჟიმმა სისხლის სამართლის საქმე აღძრა. ცხინვალის საოკუპაციო რეჟიმმა ექიმ ვაჟა გაფრინდაშვილს წინასწარი ორთვიანი პატიმრობა შეუფარდა.
ამასთან, შერიგებისა და სამოქალაქო თანასწორობის საკითხებში სახელმწიფო მინისტრის, ქეთევან ციხელაშვილის ინფორმაციით, ექიმი ვაჟა გაფრინდაშვილი უახლოეს დღეებში გათავისუფლდება.
| სარეკლამო ადგილი - 11 650 x 60 |
