„ლელოს“ წარმომადგენელი ბადრი ჯაფარიძე აცხადებს, რომ აშშ-ის ელჩის რეზიდენციაში დღეს „ქართული ოცნების“ პოზიციის მოსასმენად იკრიბებიან.

„წინასწარ ვერაფერს გეტყვით, უნდა შევხვდეთ და მოვისმინოთ. ვხვდებით იმისთვის, რომ მოვისმინოთ „ქართული ოცნების“ პოზიცია, სხვას ვერაფერს გეტყვით. დღევანდელი შეხვედრა არის წინა შეხვედრის გაგრძელება“, – განუცხადა შეხვედრის წინ ჟურნალისტებს ბადრი ჯაფარიძემ.

ამერიკის შეერთებული შტატების ელჩის რეზიდენციაში მმართველი გუნდისა და ოპოზიციის წარმომადგენლების დიალოგის მორიგი შეხვედრა დღეს გაიმართება. რეზიდენციაში უკვე მივიდნენ ევროკავშირის ელჩი, საქართველოს პარლამენტის თავმჯდომარე და იმ რვა პარტიის წარმომადგენლები, რომლებმაც საარჩევნო ბარიერი გადალახეს. ოპოზიციის თქმით, „ქართული ოცნებისგან“ კონკრეტულ წინადადებას ელოდებიან.