ფასილიტატორებს კიდევ ერთხელ გავუმეორე, რომ ოპოზიციის მოთხოვნებში ყველაზე მთავარი არის ვადამდელი არჩევნები, სრულიად ახალი საარჩევნო ადმინისტრაცია და პოლიტპატიმრები, – ამის შესახებ „ნაციონალური მოძრაობის“ თავმჯდომარე გრიგოლ ვაშაძემ ევროკავშირის ელჩის რეზიდენციაში შეხვედრის დასრულების შემდეგ ჟურნალისტებს განუცხადა.
„ფასილიტატორებს კიდევ ერთხელ გავუმეორე, რომ ოპოზიციის მოთხოვნებში ყველაზე მთავარი არის ვადამდელი არჩევნები, სრულიად ახალი საარჩევნო ადმინისტრაცია და პოლიტპატიმრები. წერტილი. „ქართული ოცნებისგან“ ველოდები კომპრომისულ წინადადებას. 2021 წელი იქნება ძალიან სახიფათო ყველა თვალსაზრისით, გნებავთ ეკონომიკური, გნებავთ პოლიტიკური, გნებავთ სოციალური, გნებავთ საგარეო პოლიტიკური. ამიტომ ქართველები რაც უფრო მალე მოვნახავთ ერთმანეთში კომპრომისს, მოვილაპარაკებთ, რა დააკმაყოფილებს საქართველოს მოქალაქეს, მით უკეთესი. დამიჯერეთ, ვერც ერთი ფასილიტატორი ჩვენ მაგივრად გადაწყვეტილებას ვერ მიიღებს.
როგორ წარმოგიდგენიათ თქვენ პარლამენტში შესვლა, როცა ყველა ოპოზიციური პარტიის და მხარდამჭერების 100 პროცენტი ამის კატეგორიული წინააღმდეგია“, - განაცხადა გრიგოლ ვაშაძემ.
საქართველოში ევროკავშირის ელჩის რეზიდენციაში ოპოზიციური პარტიების ლიდერებთან ინდივიდუალური შეხვედრები დილიდან მიმდინარეობს. მოგვიანებით, შეხვედრებს აშშ-ის ელჩი კელი დეგნანიც შეუერთდა.
| სარეკლამო ადგილი - 11 650 x 60 |
