არ მგონია რომ ცალ-ცალკე უნდა მოხდეს რაიმე წინადადების განხილვა, - ასე გამოეხმაურა ანა ნაცვლიშვილი „გირჩის“ და „მოქალაქეების“ ინდივიდუალური კონსულტაციების იდეას. ამასთან, „ლელოს“ წევრი აღნიშნავს, რომ მსგავსი შეხვედრები საერთო ოპოზიციურ ფორმატში უნდა იმართებოდეს.
„მნიშვნელოვანია, რომ ეს საუბარი თუ განხილვა მოხდეს იმ ფორმატში, რომელიც შეთანხმებულია და რომელიც არსებობდა მათ შორის გასულ წელს, რომელიც შეიქმნა, საერთო ოპოზიციური საუბრის ფორმატი.
არ მგონია რომ ცალ-ცალკე უნდა მოხდეს რაიმე წინადადების განხილვა. ამიტომ, თუ აქვთ საუბრის სურვილი, ოპოზიციური ფორმატი ღიაა. მე არ მიმაჩნია სწორად ინდივიდუალური შეხვედრები. მით უმეტეს, გაცხადებულია, რა არის მათი წინადადება და ამ წინადადების ირგვლივ თუ მოხდება განხილვა, იმ არსებულ ფორმატებში უნდა მოხდეს“, - განცხდა ნაცვლიშვილმა.
ცნობისთვის, „სტრატეგია აღმაშენებელი“ „გირჩსა“ და „მოქალაქეებთან“ ინდივიდუალურ შეხვედრაზე უარს ამბობს. როგორც „სტრატეგია აღმაშენებლის“ ლიდერმა გიორგი ვაშაძემ განაცხადა, ასეთი შეხვედრა არ შედგება, რადგან ერთი მხრივ, იგი თვითიზოლაციაშია და მეორე მხრივ, ფიქრობს, რომ ყველაფერი განხილული უნდა იყოს საერთო ფორმატში.
გიორგი ვაშაძე "გირჩთან" და "მოქალაქეებთან" მოლაპარაკებას არ გამართავს| სარეკლამო ადგილი - 11 650 x 60 |
