“ქართული ოცნების“ ერთ-ერთი წევრის შალვა პაპუაშვილის განცხადებით, პარტიები, რომლებიც პარლამენტში შევიდნენ, მოქალაქეების არჩეულია და მათი დამამცირებლად მოხსენება, მათივე ამომრჩევლის დამაცირებელ კონტექსტში მოხსენებას ნიშნავს.

“ამიტომ, ყველას მოვუწოდებ, რომ თავი შეიკავონ ასეთი განცხადებებისგან“, - განაცხადა შალვა პაპუაშვილმა.

მისი თქმით, ოპოზიციას ყველა, მათ შორის პარტნიორები, პარლამენტში შესვლისკენ მოუწოდებს.

„ჩვენ ვატყობთ, რომ თუკი აქამდე, დედამიწის ზურგზე ვერავინ ნახეს, ვინც მათ აყვებოდა ნარატივში, რომ არჩევნები გაყალბდა, ახლა უკვე დედამიწის ზურგზე ვერავის ნახულობენ ვინც მათ ამ გადაწყვეტილებას რაიმენაირად გაიგებს, გადაწყვეტილებას, იმაზე, რომ უარს ამბობენ საპარლამენტო მუშაობაში მონაწილეობის მიღებაზე. ვხედავთ, რომ ყველა, როგორც ელჩები, ისე პარტნიორები საზღვარგარეთიდან მათ მოუწოდებს, რომ მიიღონ მანდატები და ძირი არ გამოუთხარონ საპარლამენტო დემოკრატიას“, -  განაცხადა შალვა პაპუაშვილმა