ამერიკის შეერთებულ შტატებში, ევროპის ქვეყნებში ჩვენ სამწუხაროდ ვნახეთ მსგავსი მაგალითები, მაგრამ ქმედება იყო ყველგან კანონისმიერი, - ამის შესახებ ფრაქცია „ქართული ოცნების“ წევრმა დიმიტრი ხუნდაძემ მედიასთან ნიკა მელიას დაკავების ფაქტზე საერთაშორისო გამოხმაურებებზე საუბრისას განაცხადა.

„ჩვენ სახელმწიფოსაც ჰქონდა უალტერნატივო გადაწყვეტილების ვალდებულება, დაეცვა კანონი. წინააღმდეგ შემთხვევაში ჩვენც, საზოგადოებაც აღმოჩნდებოდა კიდევ უფრო მეტი პრობლემის წინაშე. არადა ქვეყანაში დგას ძალიან ბევრი პრობლემა, ისევ პანდემიის პირობებში გვიწევს ცხოვრება. სახელმწიფო სტრუქტურები მუშაობენ იმაზე, რომ დაიცვან თითეული ადამიანის ჯანმრთელობა“, - აღნიშნა ხუნდაძემ.