მმართველი გუნდი მოლაპარაკების მნიშვნელობაზე საუბრობს - უმრავლესობა ქმედით და ადეკვატურ ნაბიჯს ოპოზიციისგან ელოდება, თუმცა ამბობს იმასაც, რომ ოპონენტების დესტრუქციული ქმედებებიდან გამომდინარე ამის პერსპექტივა არ არსებობს.
"არ იქნებოდა ცუდი, რომ კომუნიკაცია ყოფილიყო და ცივილური ფორმით დავილაპარაკოთ მხარეებმა ერთმანეთთან მოლაპარაკების მაგიდასთან და მოვისმინოთ რაიმე წინადადება, რომელიც შეიძლება განსჯის საგანი გახდეს თუნდაც ბრიუსელში.
სამწუხაროდ ამის პერსპექტივას მე ვერ ვხედავ, მაგრამ არანაირად არ გამოვრიცხავ, ვინაიდან ძალიან დიდია ამის სურვილი საზოგადოებაში უპირველესყოვლისა, მათ შორის ოპოზიციური ფლანგის მხარდამჭერ საზოგადოებაში და ძალიან დიდია მოთხოვნა ჩვენი საერთაშორისო პარტნიორებისგან," - აცხადებს საქართველოს პარლამენტის თავმჯდომარის პირველი მოადგილე გია ვოლსკი.
| სარეკლამო ადგილი - 11 650 x 60 |
