273
04 აპრილი 2021, 10:48
ჩოგბურთელ ნიკოლოზ ბასილაშვილის ადვოკატები განცხადებას ავრცელებენ, რომლის მიხედვითაც, ბასილაშვილის ინტერესების დამცველები არ აპირებენ პარალელური მართლმსაჯულების განხორციელებას, საქმის სასამართლო დარბაზს მიღმა საჯაროდ განხილვას, რათა არ დააზიანდეს არასრულწლოვანი ლუკას ბასილაშვილის საუკეთესო ინტერესები.
,,ნუ განახორციელებთ პარალელურ მართლმსაჯულებას სხდომის მიღმა, ამით, უპირველეს ყოვლისა, ზიანდება მართლმსაჯულების ინტერესი. მინდა ეს მოწოდება, განცხადება გაითვალისწინოთ მომავალში ორივე მხარემ”.
ნიკოლოზ ბასილაშვილის ადვოკატები ვითვალისწინებთ რა მოსამართლის განცხადებას, პოზიციებს დავაფიქსირებთ მხოლოდ სასამართლო დარბაზში, მით უმეტეს იმ ფონზე, როცა საზოგადოება საკმარისად ფლობს ინფორმაციას საქმის ირგვლივ.
ვფიქრობთ, რომ პარალელური მართლმსაჯულების განხორციელება და ზედმეტი ჩართულობა დააზიანებს არასრულწლოვანი ლუკას ბასილაშვილის საუკეთესო ინტერესებს," - ასეთი შინაარსის განცხადებას ავრცელებენ ნიკოლოზ ბასილაშვილის ადვოკატები.
ჩოგბურთელი ნიკოლოზ ბასილაშვილი ყოფილ ცოლზე ძალადობაშია ბრალდებული, ამჟამად, თბილისის საქალაქო სასამართლოში საქმის სასამართლო განხილვა მიმდინარეობს.
| სარეკლამო ადგილი - 11 650 x 60 |
