834
13 დეკემბერი 2019, 21:59
გაერთიანებული ერების განათლების, მეცნიერებისა და კულტურის ორგანიზაციამ ტაილანდური მასაჟი არამატერიალური კულტურული მემკვიდრეობის ნუსხაში შეიყვანა.
ორგანიზაციის განცხადებით, ტაილანდური ტრადიციული მასაჟი „ნუადი“, რომელიც ტანვარჯიშთან მიახლოებული დინამიკური ვარჯიშებისგან შედგება, უნიკალური მოვლენაა, რომელიც დაცვას და მომდევნო თაობებისთვის გადაცემას საჭიროებს.
„ტაილანდის ყველა სოფელს ჰყავდა თავისი მკურნალი, რომელთანაც დამღლელი სამუშაო დღის შემდეგ გლეხები მიდიოდნენ და კუნთების ტკივილისგან თავისუფლდებოდნენ“, - აცხადებენ იუნესკოში.
იუნესკოს არამატერიალური კულტურული მემკვიდრეობის ნუსხა ყოველწლიურად ივსება. ამ დროისთვის მასში 550 ძეგლია შეტანილი 127 ქვეყნიდან. წელს კულტურული მემკვიდრეობის სტატუსი მიენიჭათ ასევე, პორტუგალიურ კარნავალს, ირლანდიური დაკვრას არფაზე და ალპინიზმს.
| სარეკლამო ადგილი - 11 650 x 60 |
