ქუთაისში მეტალურგიული ქარხნის მუშები სამუშაო პირობების გაუმჯობესების მოთხოვნით შეიკრიბნენ. ისინი რთულ სამუშაო პირობებზე საუბრობენ და ადმინისტრაციას ხელფასების გაზრდას, პირობების გაუმჯობესებას და ზეგანაკვეთური შრომის ანაზღაურებას თხოვენ.

მუშების თქმით, საწარმოში არ არის ჩართული გამწოვი სისტემა და არ ურიგდებათ სპეცტანსაცმელი. აქციას პარტია „თავისუფალი საქართველოს“ თანათავმჯდომარე გოგი წულაია შეუერთდა. საწარმოს ადმინისტრაცია მედიასთან კომენტარს არ აკეთებს. საწარმოს მფლობელები ინდოელი ინვესტორები არიან.