ოკუპირებული ახალგორიდან დღეს კიდევ ერთი სამარშუტო მიკროავტობუსი გადმოვიდა.ახალგორის რაიონის გამგებელი ნუგზარ თინიკაშვილი აცხადებს, რომ საზღვარი დღეს კიდევ 10-მა ადამიანმა გადმოკვეთა. 

„ეს ტრანსპორტი უკან დაბრუნდება და კიდევ გადმოიყვანს ადამიანებს. დღეს შეიძლება კიდევ ორი გზა გააკეთოს და გადმოიყვანოს ხალხი. 30-40 ადამიანის გადმოსვლა ბუნებრივია მთლიანად კრიზისს ვერ შეამსუბუქებდა და ვერც მოაგვარებდა, თუმცა პროცესი რაც დაიწყო, მისასალმებელია. პირდაპირ ვამბობ, ძალიან კარგია და ვიმედოვნებ, რომ გაგრძელდება ასე, ძალიან მალე კი საბოლოო ჯამში მივიღებთ იმ სურათს, რაც ჩაკეტვამდე გვქონდა, რომ მოსახლეობა „საბუთებით“, მაგრამ მაინც შეძლებს გადაადგილებას ახალგორის მიმართულებით“, – აცხადებს თინიკაშვილი.საოკუპაციო რეჟიმმა ოკუპირებული ახალგორიდან გადმოსასვლელი დროებით, 10 დღით გახსნა.