ირაკლი კობახიძე პერსონალურ მონაცემთა დაცვის სამსახურისა და სპეციალურ საგამოძიებო სამსახურის ხელმძღვანელები არჩევას გამოეხმაურა. „ქართული ოცნების“ თავმჯდომარე დარწმუნებულია, რომ ლელა ჯანაშვილი და კოკა კაციტაძე მოვალეობებს სათანადოდ შეასრულებენ.

„კრიტერიუმი იყო ერთადერთი - პროფესიული გამოცდილება, კეთილსინდისიერება. ამ ნიშნით შეირჩა ერთი და მეორე კანდიდატი. ორივე არის ძალიან კვალიფიციური, გამოცდილი და დარწმუნებულები ვართ, სათანადოდ გაართმევენ თავს იმ ფუნქციებს, რომლებიც ამ ორი უწყების ხელმძღვანელობას უკავშირდება“, - განაცხადა კობახიძემ.

პარლამენტმა პლენარულ სხდომაზე პერსონალურ მონაცემთა დაცვის სამსახურის ხელმძღვანელად ლელა ჯანაშვილი, ხოლო სპეციალური საგამოძიებო სამსახურის ხელმძღვანელად კოკა (კარლო) კაციტაძე აირჩია