228
13 აპრილი 2022, 17:06
2022 წლის 1-ლი იანვრიდან 13 აპრილის ჩათვლით, რეფერალური მომსახურების სახელმწიფო პროგრამის ფარგლებში დაფინანსდა 6801 სამედიცინო შემთხვევა. დაფინანსების მოცულობამ 15 971 811.85 ლარი შეადგინა, - ამის შესახებ ინფორმაციას მთავრობის ადმინისტრაცია ავრცელებს.
მათივე ინფორმაციით, რეფერალური მომსახურების სახელმწიფო პროგრამა მიზნად ისახავს საქართველოს მოქალაქეებისათვის საჭირო სამედიცინო მომსახურებების დაფინანსებას, როგორც საქართველოში, ისე მის ფარგლებს გარეთ (ასეთის აუცილებლობის შემთხვევაში). - გადაწყვეტილებას იღებს პროგრამის ფარგლებში შექმნილი საერთო კომისია.
პროგრამით გათვალისწინებული მომსახურება მოიცავს, როგორც გადაუდებელ, ისე გეგმურ სამედიცინო შემთხვევებს, ამბულატორიულ და სტაციონარულ მომსახურებებს, ქირურგიულ ოპერაციებს, მედიკამენტებსა და დიაგნოსტიკურ კლინიკურ-ლაბორატორიულ კვლევებს. პროგრამის შესახებ ვრცლად იხილეთ აღნიშნულ გვერდზე.
| სარეკლამო ადგილი - 11 650 x 60 |
