შოთა რუსთაველის სახელობის თბილისის საერთაშორისო აეროპორტში იან ლიპავსკის გაცილების ოფიციალური ცერემონია გაიმართა. ჩეხეთის პირველი დიპლომატი აეროპორტიდან საგარეო უწყების ხელმძღვანელმა, ილია დარჩიაშვილმა გააცილა, - ამის შესახებ ინფორმაციას საქართველოს საგარეო საქმეთა სამინისტრო ავრცელებს,

მათივე ინფორმაციით, საქართველოში ვიზიტის ფარგლებში, ჩეხეთის საგარეო უწყების ხელმძღვანელმა შეხვედრა გამართა საქართველოს პრემიერ-მინისტრთან ირაკლი ღარიბაშვილთან და ქართველ კოლეგასთან ილია დარჩიაშვილთან. შეხვედრის შემდგომ ორი ქვეყნის პირველმა დიპლომატებმა მედიისთვის განცხადებები გააკეთეს.

იან ლიპავსკი ვიზიტის ფარგლებში ასევე ეწვია საოკუპაციო ხაზს და ადგილზე გაეცნო არსებულ ვითარებას.