100-ზე მეტი ავიარეისი გადაიდო ბარსელონას აეროპორტ „ელ პრატში“  მიმდინარე საპროტესტო აქციის გამო. მომიტინგეებმა აეროპორტის შესასვლელი გადაკეტეს და მასში შესვლის უფლებას არავის აძლევდნენ. ქვეყნის ჩრდილო-აღმოსავლეთ რეგიონში ბლოკირებული იყო სარკინიგზო და საავტომობილო გზებიც.

აქცია ტერმინალ 1  მიმდინარეობდა, სადაც რამდენიმე ათასი ადამიანი შეიკრიბა, მათ აეროპორტამდე მისასვლელი გზაც გადაკეტეს.   

საპროტესტო აქციის მონაწილეებსა და პოლიციას შორის შეტაკებაც მოხდა, რის შედეგადაც, არიან დაშავებულები და დაკავებულები.

საქმე ისაა, რო  ათასობით ადამიანი კატალონიელი ლიდერების მიმართ სასამართლოს მიერ გამოტანილ განაჩენს აპროტესტებს.

გუშინ, დილით, 9 კატალონიელ ლიდერს ესპანეთის უზენაესმა სასამართლომ 9-დან 13 წლამდე ვადით პატიმრობა მიუსაჯა, რამაც კატალონიელთა საპროტესტო ტალღა მოჰყვა.  ესპანეთის უმაღლესი სასამართლოს მოსამართლე პაბლო ლარენამ კატალონიის მთავრობის ყოფილი მეთაურის კარლეს პუჩდემონის დასაპატიმრებლად ორდერიც გასცა.