თბილისის მერია მეტრო „ვარკეთილის“ რეკონსტრუქციას იწყებს. ამასთან დაკავშირებით თბილისის მთავრობის სხდომაზე დედაქალაქის მერმა ისაუბრა.

კახა კალაძის თქმით, გასული წლის დეკემბრის ბოლოს დაიდო ხელშეკრულება კომპანია შპს „ბადა კონსტრაქშენთან“. ხელშეკრულების საერთო ღირებულება შეადგენს 13,4 მლნ ლარს, რომელიც მოიცავს სადგურის ინტერიერისა და შიდა ინფრასტრუქტურის სრულ რეაბილიტაციას. მათ შორის, განხორციელდება არსებული აზბესტის ჭერის დემონტაჟი და ახალი ჭერის მოწყობა თანამედროვე მასალებით.
„ვარკეთილის“ მეტრო, სარეაბილიტაციოდ ზაფხულში, 2 თვით დაიკეტება.