1376
13 მარტი 2020, 14:47
ეკონომიკისა და მდგრადი განვითარების მინისტრის, ნათია თურნავას განცხადებით, მთავრობა ანტიკრიზისული გეგმის ფარგლებში მცირე სასტუმროების სესხების პროცენტის სუბსიდირებაზე სავარაუდოდ, 3 მილიონ ლარამდე თანხას დახარჯავს.
როგორც მინისტრმა აღნიშნა, გასულ წელს, 20 ივნისის შემდგომ 4-დან 20 ნოემბრამდე, მცირე სასტუმროების სესხების პროცენტის სუბსიდირების პროგრამამ კარგად იმუშავა და ამ ეტაპზეც ამ მექანიზმის გამოყენება იგეგმება.
„ჩვენ ვაფართოვებთ სასტუმროების ზომას, ანუ მცირე სასტუმროები 4 ნომრიდან 50 ნომრის ჩათვლით, მიიღებენ იგივე სახის დახმარებას - საბანკო სესხის პროცენტის სუბსიდირებას.
ქონების და საშემოსავლო გადასახადის გადახდის გადავადება ყველა ზომის სასტუმროებისთვისაა, თუმცა მცირე სასტუმროები კიდევ უფრო მეტად მოწყვლადია, ამიტომ მათთვის სესხის პროცენტის სუბსიდირება დამატებითი ზომაა“, - აღნიშნა თურნავამ.
მისივე თქმით, თანხა სუბსიდირებისთვის ბიუჯეტიდან პროგრამა „აწარმოე საქართველოში პროგრამების ფარგლებში გამოიყოფა და 18 000-ზე მეტ ბიზნეს სუბიექტს შეეხება.
„თანხის პროგნოზირება ჯერ რთულია, მაგრამ ვფიქრობთ, რომ ეს არის დაახლოებით 3 მილიონი ლარის ფარგლებში, თუმცა ვინც მოგვმართავს და დააკმაყოფილებს მოთხოვნებს, ყველას დავეხმარებით ჯამში ამ თანხასაც რომ გადააჭარბოს“, - აღნიშნა თურნავამ.
| სარეკლამო ადგილი - 11 650 x 60 |
