გერმანიის დაავადებათა კონტროლისა და პრევენციის ეროვნულმა სააგენტომ, რობერტ კოხის ინსტიტუტმა კორონავირუსის საფრთხის დონე შეაფასა როგორც „მაღალი“.
„ჩვენ შევნიშნეთ, რომ კარგად აღჭურვილი კლინიკებიც კი, ამჟამად, პრობლემების წინაშე აღმოჩნდნენ. ჩვენ ყველაფერი უნდა გავაკეთოთ რაც შესაძლებელია, რომ შევწყვიტოთ ინფექციის ნებისმიერი შესაძლო ჯაჭვი“, – განაცხადა რობერტ კოხის ინსტიტუტის პრეზიდენტმა ლოთარ ვილერმა.
მისი თქმით, კორონავირუსის შემთხვევების რაოდენობა მნიშვნელოვნად აღემატება ინსტიტუტის მიერ აღრიცხულ რიცხვს.
ამასთან, რობერტ კოხის ინსტიტუტის წარმომადგენელმა განაცხადა, რომ კორონავირუსის პანდემია შესაძლოა, ორ წელს გაგრძელდეს და ამავე დროს აღნიშნა, რომ ბევრი რამ ვაქცინის შემუშავების ვადებზეა დამოკიდებული.
ლოთერ ვილერი ამბობს, რომ საბოლოო ჯამში, პლანეტის მოსახლეობის 60-70 პროცენტი კორონავირუსით დაავადდება, გამოჯანმრთელდება და იმუნიტეტს გამოიმუშავებს, თუმცა ამ ეტაპზე შეუძლებელია პროგნოზირება, რამდენად სწრაფად მოხდება ეს.
| სარეკლამო ადგილი - 11 650 x 60 |
