ქუთაისში პარლამენტის შენობა გვინდა გახდეს ტექნოლოგიური ჰაბი, რომელშიც თავს მოიყრის ძალიან ბევრი ნიჭიერი ახალგაზრდა, - ამის შესახებ პრემიერ-მინისტრმა ირაკლი ღარიბაშვილმა ჟურნალისტებს განუცხადა.

როგორც მთავრობის მეთაურმა აღნიშნა, მუშავდება პროექტი, რომლის პრეზენტაციაც მალე გაიმართება.

„ქუთაისში პარლამენტის შენობა გვინდა გახდეს ტექნოლოგიური ჰაბი, ცენტი ახალგაზრდებისთვის, IT სექტორში მომუშავე ახალგაზრდებისთვის, და არამხოლოდ, ეს უნდა იყოს მულტიფუნქციური, თანამედროვე ტექნოლოგიური ქალაქი, ცენტრი, ადგილი, რომელშიც თავს მოიყრის ძალიან ბევრი ნიჭიერი ახალგაზრდა. ამ პროექტს ვამუშავებთ, პრეზენტაცია ძალიან მალე იქნება“, - აცხადებს ღარიბაშვილი.