127
10 დეკემბერი 2023, 16:15
ოკუპირებულ გალში საქართველოს მოქალაქე მოკლეს. გარდაცვლილის ახლობლების ინფორმაციით, ადგილობრივმა მილიციამ 43 წლის თემურ კირბაია რამდენიმე დღის წინ, გაურკვეველი მიზეზით ქუჩაში დააკავა, რის შემდეგაც ის გადაიყვანეს გალის მილიციის ერ-ერთ განყოფილებაში. მათივე თქმით, თემურ კირბაიაზე მილიციელებმა ფიზიკურად იძალადეს. ძალადობის შედეგადა ის საავადმყოფოში თავად მილიციელებმა გადაიყვანეს, თუმცა მიყენებული ჭრილობები სიცოცხლისთვის შეუთავსებელი იყო და ის გარდაიცვალა.
გარდაცვლილს მრავლობითი მოტეხილობები აქვს და სასიკვდილო ჭრილობები და ტრავმები თავის არეში აღენიშნება. მათივე ცნობით, თემურ კირბაია გუშინ გარდაიცვალა. ოჯახი ობიექტურ გამოძიებას და ძალადობაში მონაწილე პირების დასჯას ითხოვს.
43 წლის თემურ კირბაია გალის რაიონის სოფელ წარჩეს მკვიდრი იყო.
| სარეკლამო ადგილი - 11 650 x 60 |
