83
22 მაისი 2024, 15:13
სერბეთში ძლიერი ქარის, სეტყვისა და წყალდიდობის შედეგად სულ მცირე ერთი ადამიანი დაიღუპა. მედიის ინფორმაციით, სტიქიის შედეგად ხე ერთ-ერთ მანქანას დაეცა, რასაც მსხვერპლი მოჰყვა.
სერბეთის შინაგან საქმეთა მინისტრის, ივიცა დაჩიჩის განცხადებით, შემთხვევა ქალაქ სომბორში მოხდა, მაშველებს კი ტერიტორიიდან რამდენიმე ადამიანის ევაკუაციაც მოუწიათ.
სერბეთის სამხრეთ-დასავლეთით მდებარე ქალაქ ნოვი პაზარში ხელისუფლებამ საგანგებო მდგომარეობა გამოაცხადა, წყალდიდობის შედეგად რამდენიმე რაიონი დატბორა. ძლიერი წვიმა სეტყვასთან და წყალდიდობასთან ერთად დაფიქსირდა რამდენიმე სხვა რაიონშიც, მათ შორის სერბეთის დედაქალაქ ბელგრადში.
| სარეკლამო ადგილი - 11 650 x 60 |
