გერმანიის კანცლერმა, ოლაფ შოლცმა კვლავ მოუწოდა ევროპელ მოკავშირეებს, გაააქტიურონ თავიანთი ვალდებულება უკრაინის საჰაერო თავდაცვის შესაძლებლობების გაძლიერების კუთხით.

ნატოს გენერალურ მდივანთან, იენს სტოლტენბერგთან ბერლინში გამართულ ერთობლივ პრესკონფერენციაზე შოლცმა ხაზი გაუსვა უკრაინისათვის Patriot-ის საჰაერო თავდაცვის ბატარეების მნიშვნელობას იმის ფონზე, როდესაც რუსეთი უკრაინის ქალაქებსა და კრიტიკულ ინფრასტრუქტურაზე სარაკეტო თავდასხმებს ახორციელებს.

„მსურს ვისარგებლო შემთხვევით და ვთხოვო ბევრ ჩვენს მეგობარს ევროპაში, შეამოწმონ თავიანთი მარაგები, რათა ნახონ, შეუძლიათ თუ არა რაიმე სახის დახმარება გაუწიონ უკრაინას საჰაერო თავდაცვის მხარდასაჭერად“, - აღნიშნა ოლაფ შოლცმა.