29
27 აპრილი 2024, 11:16
ველოდებით იმას, რომ ჩვენი საზოგადოება, ის ძალიან მაგარი ქართველები, სვანეთში რომ ცხოვრობენ, მხარს დაუჭერენ იმ ცვლილებებს, რაც ლგბტ პროპაგანდისგან დაიცავს ჩვენს საზოგადოებას და ოჯახური ღირებულებების და არასრულწლოვანთა დაცვისთვის იქნება გათვალისწინებული, - ამის შესახებ იურიდიულ საკითხთა კომიტეტის თავმჯდომარის პირველმა მოადგილემ დავით მათიკაშვილმა განაცხადა.
„ამ ერთი კვირის განმავლობაში მოვიარეთ მთლიანად დასავლეთ საქართველო. გვქონდა შეხვედრები ჩვენს თანამოქალაქეებთან. ოჯახურ ღირებულებებზე, არასრულწლოვანთა დაცვის აუცილებლობაზე ვესაუბრებოდით და მხოლოდ პოზიტიური განწყობა იყო საკონსტიტუციო ცვლილებებზე ჩვენი თანამოქალაქეების მხრიდან. დღეს არის მესტიაში შეხვედრა. ველოდებით დაინტერესებას, მაგრამ ამავდროულად ველოდებით იმას, რომ ჩვენი საზოგადოება, ის ძალიან მაგარი ქართველები, სვანეთში რომ ცხოვრობენ, მხარს დაუჭერენ იმ ცვლილებებს, რაც ლგბტ პროპაგანდისგან დაიცავს ჩვენს საზოგადოებას და ოჯახური ღირებულებების და არასრულწლოვანთა დაცვისთვის იქნება გათვალისწინებული“, - აღნიშნა მათიკაშვილმა.
მესტიაში „საქართველოს კონსტიტუციაში ცვლილების შეტანის შესახებ“ და „ოჯახურ ღირებულებათა და არასრულწლოვანთა დაცვის შესახებ“ კონსტიტუციურ კანონპროექტებთან დაკავშირებით საყოველთაო-სახალხო განხილვა იმართება.
| სარეკლამო ადგილი - 11 650 x 60 |
