ისტორიული დღეა შეერთებული შტატებისთვის, – ამის შესახებ აშშ-ის ყოფილი პრეზიდენტი ბარაკ ობამა სოციალურ ქსელში წერს და რომის კათოლიკური ეკლესიის წინამძღოლად არჩევას ულოცავს კარდინალ რობერტ პრევოსტს, რომელიც პაპობაში ლეო XIV-დ იწოდება.

„მიშელი და მე ვულოცავთ ჩვენს თანაქალაქელ ჩიკაგოელს, მის უწმინდესობას, პაპ ლეო XIV-ს. ეს ისტორიული დღეა შეერთებული შტატებისთვის და ჩვენ ვილოცებთ მისთვის, როდესაც ის იწყებს კათოლიკური ეკლესიის ხელმძღვანელობის წმინდა საქმეს და მაგალითის მიცემას მრავალი ადამიანისთვის, მიუხედავად მათი რწმენისა“, – წერს ბარაკ ობამა.