ბათუმში ძლიერი ქარის გამო პრობლემები შეიქმნა.

ბათუმის მერიის ინფორმაციით, გორგასლის ქუჩაზე დაშავებული ორი მოქალაქე გადაყვანილია სამედიცინო დაწესებულებაში და მათ სიცოცხლეს საფრთხე არ ემუქრება.

ამასთან, ძლიერი ქარის შედეგად ბათუმის ნაწილს ელექტროენერგიის მიწოდების პრობლემა ჰქონდა.

„ბათუმის ნაწილს ელექტროენერგიის მიწოდება აღუდგა. აღდგენითი სამუშაოებო აქტიურ რეჟიმში მიმდინარეობს.

დაზიანდა საცხოვრებელი სახლის სახურავები. რამდენიმე ქუჩასა და ცენტრალურ პარკში კი დაზიანებულია ხეები, ასევე ავტომანქანები. შესაბამისი მუნიციპალური სამსახურები, საგანგებო სიტუაციების მართვის სამსახურთან ერთად, ახორციელებენ მონიტორინგს და თითოეულ შემთხვევაზე მოხდება მყისიერი რეაგირება.

ბათუმის საერთაშორისო აეროპორტში ყველა რეისი შესრულებულია“, - აცხადებენ ბათუმის მერიაში.