აშშ-ის პრეზიდენტის, დონალდ ტრამპის ადმინისტრაციამ ჰარვარდის უნივერსიტეტს უცხოელი სტუდენტების მიღება აუკრძალა. ინფორმაციას Reuters-ი ავრცელებს.
სააგენტოს ცნობით, ტრამპის ადმინისტრაცია აგრეთვე უკვე ჩარიცხულ სტუდენტებს სხვა უმაღლეს სასწავლებლებში გადასვლას აიძულებს, წინააღმდეგ შემთხვევაში მათ ქვეყანაში კანონიერად ყოფნის სტატუსის ჩამორთმევით ემუქრება.
აშშ-ის ხელისუფლება არ გამორიცხავს, რომ მსგავსი მიდგომა ჰარვარდის გარდა სხვა უმაღლე სასწავლებლებთან მიმართებაშიც გამოიყენონ.
შიდა უსაფრთხოების მდივანმა, კრისტი ნოემმა განკარგულება გასცა, რომლის თანახმადაც მისმა უწყებამ ჰარვარდის უნივერსიტეტის 2025-2026 წწ. სტუდენტების გაცვლითი პროგრამის სერტიფიცირება შეაჩეროს.
ნოემმა უნივერსიტეტს „ძალადობის, ანტისემიტიზმის წახალისებასა და ჩინეთის კომუნისტურ პარტიასთან თანამშრომლობაში“ დასდო ბრალი.
| სარეკლამო ადგილი - 11 650 x 60 |
