13
27 მაისი 2025, 21:52
აშშ-ის პრეზიდენტის სპეციალურმა წარმომადგენელმა, კიტ კელოგმა განაცხადა, რომ უკრაინამ უკვე მიაწოდა აშშ-ს სამშვიდობო პირობების ჩამონათვალი და ახლა ამერიკა ელოდება რუსეთისგან შესაბამის მემორანდუმს.
მისი თქმით, როგორც კი აშშ მიიღებს ასეთ დოკუმენტს რუსული მხარისგან, შესაძლებელი გახდება უკრაინისა და რუსეთის შეხვედრის ორგანიზება სამშვიდობო მოლაპარაკებებისთვის. კელოგმა დასძინა, რომ, სავარაუდოდ, ასეთი შეხვედრა ჟენევაში გაიმართება.
„ჩვენ გვინდოდა [შეხვედრის] ჩატარება ვატიკანში, მაგრამ რუსებმა იქ ჩასვლა არ ისურვეს. ამიტომ ჟენევა შეიძლება გახდეს შემდეგი გაჩერება, სადაც ერთმანეთს შეხვდება სამი ლიდერი - პუტინი, პრეზიდენტი ზელენსკი და პრეზიდენტი ტრამპი - და შეიმუშავებენ ყოველივე ამას, ასევე ხელს მოაწერენ რაიმე დოკუმენტს ამ ომის დასასრულებლად“, - დასძინა მან.
| სარეკლამო ადგილი - 11 650 x 60 |
