186
31 მაისი 2025, 15:45
აშშ-ის პრეზიდენტმა, დონალდ ტრამპმა საფრანგეთის პრეზიდენტს ემანუელ მაკრონსა და პირველ ლედისთან დაკავშირებულ სკანდალურ ინციდენტზე გააკეთა კომენტარი.
ტრამპმა ხუმრობით თქვა, რომ არ იცის თვითმფრინავში რა მოხდა, თუმცა ფრანგ კოლეგას ურჩია, ყოველთვის დარწმუნდეს, რომ კარი დაკეტილია.
„პირველ რიგში, ყოველთვის დარწმუნებული უნდა იყოთ, რომ კარი დაკეტილია. ისე, კი მათ ველაპარაკე და ყველაფერი კარგად აქვთ. ეს ორი ძალიან კარგი ადამიანია, რომლებსაც კარგად ვიცნობ. არ ვიცი, ეს რა იყო, მაგრამ მათ კარგად ვიცნობ და ვიცი, რომ ყველაფერი რიგზე აქვთ“, - თქვა ტრამპმა.
სკანდალური ინციდენტი კამერებმა რამდენიმე დღის წინ ვიეტნამში საფრანგეთის პრეზიდენტის ჩასვლისას დააფიქსირეს. მას შემდეგ, რაც თვითმფრინავის კარი გაიღო, გამოჩნდა, რომ ბრიჯიტ მაკრონმა ქმარს სახეში გაარტყა. მოგვიანებით ემანუელ მაკრონმა განაცხადა, რომ ის და მისი მეუღლე ხუმრობდნენ.
| სარეკლამო ადგილი - 11 650 x 60 |
