43
31 მაისი 2025, 15:59
უკრაინის შეიარაღებული ძალების მთავარსარდალმა, ოლექსანდრ სირსკიმ განაცხადა, რომ რუსეთი ზაპოროჟიეს ოლქში აქტიურ შეტევაზე გადავიდა.
უკრაინული მედიის ცნობით, ეს განცხადება სირსკიმ შეიარაღებული ძალების მაისის შესაჯამებელ თათბირზე გააკეთა.
„თავდაცვის ძალები მტრის შეკავებას აგრძელებს, აყენებს რა შესამჩნევ დარტყმებს. მტერმა ძირითად ძალებს პოკროვსკის, ტორეცკის, ლიმანის, ნოვოპავლოვკის და რუსეთთან მოსაზღვრე სუმის ოლქის მიმართულებებზე მოუყარა თავი. ის განსაკუთრებით გააქტიურდა ზაპოროჟიეს მიმართულებით, სადაც აქტიურ შეტევით მოქმედებებს აწარმოებს“, - აღნიშნა სირსკიმ.
სირსკიმ აგრეთვე დასძინა, რომ უკრაინის შეიარაღებული ძალები მტერს და მის სამხედრო პოტენციალს ღრმა ზურგში ანადგურებს. მისი განცხადებით, მაისში რუსეთის 58 მიზანზე განხორციელდა დარტყმა, განადგურებულია სამხედრო ობიექტები, აფეთქებულია აგრესორის სამხედრო-სამრეწველო კომპლექსები.
| სარეკლამო ადგილი - 11 650 x 60 |
