45
14 ივნისი 2025, 07:42
ისრაელის თავდასხმები ირანზე მიმართული იყო ისპაჰანში მდებარე შაჰიდ რაისის ატომურ ელექტროსადგურზე. ინფორმაციას ამის შესახებ ირანის სახელმწიფო სააგენტო IRNA ავრცელებს.
ისპაჰანის გუბერნატორის მოადგილემ, აკბარ სალეჰიმ განაცხადა, რომ თავდასხმისთანავე სამაშველო ჯგუფები დაუყოვნებლივ გაიგზავნა ადგილზე.
მისი თქმით, ელექტროსადგურზე განხორციელებული თავდასხმის შედეგად, ამ დროისთვის, მსხვერპლი არ არის.
რადიაციის შესაძლო გაჟონვის შესახებ შეშფოთებასთან დაკავშირებით, სალეჰიმ განაცხადა, რომ არ არის „რაიმე დამაბინძურებელი ნივთიერება, რომელიც შეშფოთებას გამოიწვევდა“.
| სარეკლამო ადგილი - 11 650 x 60 |
