ირანმა ისრაელზე რეკეტებითა და უპილტოო საფრენი აპარატებით თავდასხმა განახორციელა.

როგორც ისრაელში აცხადებენ, სასწრაფო დახმარების სამსახურში შევიდა შეტყობინება, რომ ქალაქ ჰაიფაში ერთ-ერთ დასახლებულ ადგილას რაკეტა ჩამოვარდა. დაშავებულია ორი ადამიანი, ისინი უკვე საავადმყოფოში არიან გადაყვანილი.

„ჩვენ ვთხოვთ საზოგადოებას, გაერიდოს სახიფათო ადგილებს და დაემორჩილოს ადგილზე მყოფი პოლიციელების მითითებებს“, – აცხადებენ პოლიციაში.

საჰაერო განგაშისა და აფეთქებების ხმა ასევე ისმის თელ ავივში. ისრაელის თავდაცვის ძალების ინფორმაციით, საფრთხის თავიდან ასაცილებლად ადგილზე მუშაობს თავდაცვითი სისტემები.