37
22 ივნისი 2025, 17:17
ირანის ბირთვულ ობიექტებზე აშშ-ის მიერ განხორციელებული დარტყმებით დადასტურდა, რომ ირანის წინააღმდეგ სიონისტური რეჟიმის მტრული ქმედებების უკან ვაშინგტონი დგას, – ამის შესახებ ირანის პრეზიდენტმა, მასუდ ფეზეშქიანმა განაცხადა.
ფეზეშქიანის თქმით, თავდაპირველად, აშშ ცდილობდა, დაემალა თავისი მონაწილეობა ირანზე ისრაელის დარტყმებში, მაგრამ ირანის შეიარაღებული ძალების გადამწყვეტი რეაგირების შემდეგ, აშშ ღიად ჩაერია ვითარებაში.
ირანის პრეზიდენტმა მკაცრად დაგმო აშშ-ის საჰაერო დარტყმები ირანის ბირთვულ ობიექტებზე.
„ირანის მიერ ისრაელზე დღეს განხორციელებული დარტყმები სინამდვილეში აშშ-ის პოლიტიკის პასუხია. მარტო ისრაელს ირანის წინააღმდეგ აგრესიის განხორციელება არ შეუძლია“, – განაცხადა ირანის პრეზიდენტმა.
| სარეკლამო ადგილი - 11 650 x 60 |
