გამოცხადდნენ კომისიაზე? არა. ქართული კანონმდებლობის მიხედვით, არ გამოცხადება დანაშაულია? - კი. ე.ი ადამიანებმა დანაშაული ჩაიდინეს და მათ შესაბამისი სასჯელი მიესაჯათ , - ასე შეაფასა „ქართული ოცნების“ აღმასრულებელმა მდივანმა, მამუკა მდინარაძემ „ლელო-ძლიერი საქართველოს“ ლიდერების მაუკა ხაზარაძისა და ბადრი ჯაფარიძის დაკავება.
მდინარაძის თქმით, პოლიტიკური პატიმრობა მაშინ არსებობს, როდესაც ადამიანი უკანონოდ და პოლიტიკური მოტივებით იდევნება, თუმცა ამ კონკრეტულ შემთხვევაში სამართლებრივი პროცესი სრულიად არის განსაზღვრული:
„პოლიტიკურია პატიმრობა, როდესაც უკანონოდ, პოლიტიკური მოტივებით და მიზნებით იჭერენ ადამიანს. ასეთი მარტივი არცერთი საქმე არ ყოფილა. არ გამოცხადება კანონით ისჯება. არ გამოცხადდნენ და დაისაჯნენ. სად არის პოლიტიკა? თუ ვინმეს უნდა ციხეში თავის შეფარება იმიტომ, რომ სხვა არაფრის თავი არ აქვთ - არც არჩევნებში ღირსეული მონაწილეობის, არც შედეგის მიღწევის. დემონსტრაციულად სახალხოდ ჩაიდინეს დანაშაული, რა უნდა ქნა ამ დროს? ან უნდა თქვა, რომ სახელმწიფო არ არსებობს. სახელმწიფოს ჩამოშლა უნდათ“, - განაცხადა მდინარაძემ.
| სარეკლამო ადგილი - 11 650 x 60 |
