რუსთაველის გამზირზე, სადაც „დროას“ ლიდერი ელენე ხოშტარია და ყოფილი დეპუტატი გედევან ფოფხაძე შიმშილობენ, გერმანიის ელჩი პეტერ ფიშერი მივიდა.
გერმანიის ელჩი ხოშტარიას და ფოფხაძეს ესაუბრა.
როგორც ხოშტარიამ ფიშერთან საუბრის შემდეგ განაცხადა, ეს იყო სოლიდარობის აქტი.
„ეს იყო სოლიდარობის აქტი, პირველ რიგში, იმ ხალხის მიმართ, ვინც აქ იბრძვის. გერმანიამ, ზოგადად, ჩვენმა დასავლელმა პარტნიორებმა, ყველამ ძალიან კარგად იცის, რომ ეს ადგილი არის თავისუფლებისთვის, ევროპული და ქართული იდეისთვის ბრძოლის ადგილი. შესაბამისად, ძალიან მნიშვნელოვანია, რომ ასე სწრაფად, მყისიერად ნახა ყველა მოშიმშილე. იყო მხარდაჭერის სიტყვები, ასევე მზაობა, რომ ქართველი ხალხისთვის გერმანია და ევროკავშირი აუცილებლად იმუშავებენ, რათა ეს თანადგომა იყოს მყარი, გაგრძელდეს და ეს ასეც გაგრძელდება“, – განაცხადა ხოშტარიამ.
| სარეკლამო ადგილი - 11 650 x 60 |
