პარლამენტის დროებითი საგამოძიებო კომისიის მორიგი სხდომა ხვალ გაიმართება. დეპუტატები 2012-2025 წლებში ზოგიერთი პოლიტიკოსის მიერ საქართველოს საგარეო პოლიტიკური ინტერესებისთვის ზიანის მიყენების საკითხს განიხილავენ. კომისიის წევრები მოუსმენენ ვიქტორ დოლიძეს და კონსტანტინე ჟღენტს.
საგამოძიებო კომისიის თითქმის 5-თვიანი მუშაობის შედეგებზე „ხალხის ძალის“ აღმასრულებელმა მდივანმა გურამ მაჭარაშვილმა ისაუბრა.
„თითქმის 5 თვის განმავლობაში საზოგადოებამ რაც ნახა - ის წამება, უბედურება, ქონების ჩამორთმევა, სიცოცხლის მოსპობა და ა.შ., ალბათ მძაფრსიუჟეტიან ფილმებში თუ ექნება ნანახი. რა თქმა უნდა, დასკვნაც იქნება არა მარტო მოცულობითი, არამედ დატვირთული სწორედ ასეთი ტიპის ფაქტებით, რომლის შემდგომაც არავის შეეპარება ეჭვი, რომ „ნაცმოძრაობა“, როგორც რეჟიმი აუცილებლად გაუქმდება“, - აღნიშნა მაჭარაშვილმა.
| სარეკლამო ადგილი - 11 650 x 60 |
