თვითმმართველობის არჩევნებზე 17 პარტიას ჰქონდა განაცხადი და ამ ეტაპზე სავარაუდოდ 17 პარტიაა რეგისტრირებული. მათ შორის წინა საპარლამენტო არჩევნებში ბარიერ გადალახული 4 პარტიიდან 2 არ მონაწილეობს, - განაცხადა საქართველოს პარლამენტის თავმჯდომარემ შალვა პაპუაშვილმა თვითმმართველობის არჩევნებზე საუბრისას.

„რაც უფრო ნაკლები ექსტრემისტული პარტია იქნება არჩევნებში წარმოდგენილი, მით უფრო კარგია ქართული დემოკრატიისთვის და ეს შედეგი უკვე კარგია, რომ „ნაციონალური მოძრაობა“, მისი ფორმალური ბირთვი, მისი სახელწოდებით, საარჩევნო ნომრით და ა.შ. დღეს გამქრალია საარჩევნო ბიულეტენებიდან. გამქრალი იქნება საკუთარი არჩევანით. მისასალმებელია, რომ ამით ხდება მათ შორის ფორმალური დემონტაჟი „ნაცმოძრაობის“ და „ნაცობის“, როგორც იდეოლოგიის.

რაც შეეხება არჩევნებს, უკვე აქტიურად დავიწყეთ კამპანია, წარდგენილია თბილისის მერობის კანდიდატი, თბილისის მაჟორიტარობის კანდიდატები, უკვე ხდება გაცხადება ჩვენი მერობის კანდიდატების სხვადასხვა მუნიციპალიტეტში. ასევე ჩვენ გვაქვს ძალიან ცხადი მიზანი, რომ ყველა მუნიციპალიტეტში გავიმარჯვოთ, როგორც მერის, ისე საკრებულოს არჩევნებში.

დღეს რადიკალური ოპოზიცია ერთ რამეს ჰპირდება ამომრჩეველს, რომ თუკი მათ მისცემენ ხმას და მანდატს, ისინი არევენ ქვეყანას და შეეცდებიან დისკომფორტი შეუქმნან ცენტრალურ ხელისუფლებას ადგილობრივმა თვითმმართველობებმა. ჰპირდებიან, რომ საბოტაჟით იქნებიან დაკავებული, თუკი მათ მანდატი ექნებათ და არავინ არ მისცემს საბოტაჟისთვის მათ ხმას“, - აღნიშნა შალვა პაპუაშვილმა.