76
12 აგვისტო 2025, 13:54
ევროკომისიამ კარგი მთავრობის 2025 წლის ანგარიშის ფარგლებში, კეთილსაიმედო კანონმდებლობის და პოლიტიკის ინდექსი გამოაქვეყნა. საქართველოს ხელისუფლებამ შეფასების 100 პროცენტიანი სისტემით 70% მიიღო, მსოფლიოში 26-ე ადგილზე გავიდა და ევროპის საუკეთესო ოცეულში 18-ე პოზიცია დაიკავა. კანონმდებლობის და პოლიტიკის კეთილსაიმედეობით საქართველო უსწრებს ევროკავშირის და ნატოს წევრ 18 სახელმწიფოს : იტალიას, ლატვიას, პორტუგალიას, ესპანეთს, სლოვენიას, კვიპროსს, სლოვაკეთს, ბულგარეთს, მალტას, საბერძნეთს, პოლონეთს, რუმინეთს, ხორვატიას, ალბანეთს, უნგრეთს, ჩრდილოეთ მაკედონიას, მონტენეგროს, თურქეთს.
მსოფლიო ქვეყნების კანონმდებლობის და პოლიტიკის კეთილსაიმედეობა შეფასდა 5 კრიტერიუმით: კანონის უზენაესობა; სასამართლოს ხარისხი; გამჭვირვალობა; მმართველობითი რეგულაციები. საქართველო კანონის უზენაესობით მსოფლიოს საუკეთესო ორმოცდაათეულში მოხვდა; სასამართლოს ხარისხით მსოფლიოში 27-ე ადგილზე გავიდა. საქართველომ გამჭვირვალობით მსოფლიოში 12-ე პოზიცია დაიკავა, მმართველობითი რეგულაციებით კი 29 -ე ადგილზე გამწესდა.
ევროკომისიის ვებგვერდზე წარმოდგენილია საკითხის ასეთი განმარტება: „ეფექტური და თანმიმდევრული კანონები და საჯარო პოლიტიკა აუცილებელია კარგად ფუნქციონირებული და აყვავებული ქვეყნისთვის. კანონები ადგენენ თამაშის წესებს სოციალური და ეკონომიკური საქმიანობისთვის. თანმიმდევრული, პრინციპული, ხელმისაწვდომი და გამჭვირვალე მართლმსაჯულების სისტემა ქმნის ინვესტორების ნდობას და საზოგადოების ნდობას. კარგ მთავრობებს ახასიათებთ ძლიერი პოლიტიკის შემუშავების პროცესები, რომლებიც დაბალანსებულია, ინკლუზიური და ეფექტურია“.
ევროკომისიის მიერ გამოქვეყნებულ ამ კვლევას ჩენდლერის მმართველობის ინსტიტუტი აწარმოებს, რომლის სათაო ოფისი სინგაპურში მდებარეობს.
ანგარიში ეყრდნობა გაეროს, მსოფლიო ბანკის, სავალუტო ფონდის, მსოფლიო ეკონომიკური ფორუმის, სხვა საერთაშორისოდ აღიარებული სუბიექტების, გლობალური შემფასებელი ორგანიზაციების პროფილურ კვლევებს და ანგარიშგებებს.
| სარეკლამო ადგილი - 11 650 x 60 |
