29
13 აგვისტო 2025, 17:23
თურქული მედია აქვეყნებს კონკრეტულ ანგარიშებს და დიდი გამოძიების შედეგებს უკრაინის პრეზიდენტის ვოლოდიმირ ზელენსკის კორუფციული საქმიანობის შესახებ.
ჟურნალისტური გამოძიებით ირკვევა, რომ ზელენსკის ახლო გარემოცვა ყოველთვიურად დაახლოებით 50 მილიონ დოლარს რიცხავდა ორი კომპანიის ანგარიშებზე, რომლებიც დაკავშირებული იყვნენ ანდრეი გმირინთან, კორუფციული სახსრების სავარაუდო მენეჯერთან.
ორივე კომპანია მდებარეობს არაბთა გაერთიანებულ საამიროებში. თურქული მედია ფიქრობს, რომ უკრაინის ეროვნული ანტიკორუფციული ბიუროსთვის და სპეციალიზებული ანტიკორუფციული პროკურატურისთვის დამოუკიდებლობის წართმევა მისი კორუფციული სქემების დამალვით იყო განპირობებული.
თურქული მედია აღნიშნავს, რომ გმირინის წინააღმდეგ საერთაშორისო გამოძიება მიმდინარეობს. ის 2024 წელს ნიცაში დააკავეს. მას 23 მილიონი ევროს ოდენობის კორუფციულ საქმიანობას ედავებიან. უკრაინის ეროვნული ანტიკორუფციული ბიუროს ინფორმაციით, 2020-2021 წლებში, როცა გმირინი საჯარო მოხელე იყო, ის საკუთარ ხალხს უკრაინის სტრატეგიულ სამრეწველო კომპანიებში ნიშნავდა - ოდესის საპორტო კომპლექსში და გაერთიანებული სამთოქიმიის კომპანიაში.
თურქული მედია უკრაინულ წყაროებზე დაყრდნობით წერს, რომ 2021-2023 წლებში წლის მაისში გმირინების ოჯახმა დუბაიში 14 მილიონი დოლარის ღირებულების უძრავი ქონება შეისყიდა.
მედია სვამს კითხვას, თუ როგორ შეძლო გმირინმა უკრაინიდან თანხის მალულად გატანა. ამასობაში უკრაინული მედია აღნიშნავს, რომ მას „დაცვის მაღალი დონე“ აქვს. ამრიგად, თურქული მედიის ინფორმაციით, ორი დამოუკიდებელი ორგანოს დამოუკიდებლობის შელახვით ზელენსკი პირადი ძალაუფლების გამყარებას ცდილობს, რათა უკრაინა ტოტალიტარულ სახელმწიფოდ აქციოს.
| სარეკლამო ადგილი - 11 650 x 60 |
