საქართველოს პარლამენტის თავმჯდომარის პირველი მოადგილე, გიორგი ვოლსკი გამოეხმაურა ინფორმაციას იმის შესახებ, რომ ირაკლი კუპრაძე და ბერდია სიჭინავა ბერლინში გიორგი გახარიას შეხვდნენ. ამ საკითხზე კომენტარი მან ჟურნალისტებთან გააკეთა.

„მათი შეხვედრა ნიშნავს იმას, რომ გააერთიანონ ძალები - ვინ უფრო უკეთესად მოემსახურება მთავარ ამოცანას, მთავარ მიზანს, რომ როგორმე ეს ქვეყანა დაზიანდეს, როგორმე ეს ქვეყანა გაეხვიოს შარში და ჩაერთოს იმ ცეცხლში და უბედურებაში, რაც სამწუხაროდ ახასიათებს რეგიონს“, - აცხადებს ვოლსკი.

დღეს, გავრცელდა ინფორმაცია, რომ პარტია „ლელო საქართველოსთვის“ თავმჯდომარე ირაკლი კუპრაძე და „გახარია საქართველოსთვის“ ლიდერი ბერდია სიჭინავა ბერლინში გიორგი გახარიასთან შესახვედრად გაემგზავრნენ.