ევროპარლამენტის პოლიტიკური ჯგუფი „პატრიოტები ევროპისთვის“ მხარს უჭერს უნგრეთის გეგმას, რომ მართლმსაჯულების ევროპულ სასამართლოში იჩივლოს რუსული გაზის იმპორტის აკრძალვასთან დაკავშირებით, ევროკავშირის მიერ მიღებული უახლესი გადაწყვეტილების გამო.
„პატრიოტები ევროპისთვის“ ერთ-ერთი ლიდერი, კინგა გალი სოციალურ ქსელ X-ში წერს, რომ რუსული გაზის იმპორტის აკრძალვა ევროკავშირის ლიდერებმა სამართლებრივი ხრიკით დაამტკიცეს.
ევროპარლამენტარი განმარტავს, რომ ბრიუსელმა სანქციები სავაჭრო პოლიტიკის მექანიზმად შენიღბა, რითაც გადაწყვეტილების მისაღებად 27 წევრი ქვეყნის თანხმობის აუცილებლობას აუარა გვერდი.
კინგა გალი განმარტავს, რომ რუსული ენერგიის იმპორტის აკრძალვა საფრთხეს შეუქმნის უნგრეთის ენერგოუსაფრთხოებას და მნიშვნელოვნად გაზრდის უნგრელებისთვის გაზის გადასახადებს.
მართლმსაჯულების ევროპულ სასამართლოში ამ საკითხზე საჩივრის შეტანას განიხილავს სლოვაკეთიც.
| სარეკლამო ადგილი - 11 650 x 60 |
