ჩრდილოეთ კორეამ სამშაბათს იაპონიის ზღვის მიმართულებით, სავარაუდოდ, ბალისტიკური რაკეტები გაუშვა. ინფორმაციას ამის შესახებ სამხრეთ კორეის არმია და იაპონიის თავდაცვის უწყება ავრცელებენ.

სააგენტო Jiji Press-ის ცნობით, ჭურვები იაპონიის განსაკუთრებული ეკონომიკური ზონის მიღმა ჩამოვარდა.

ეს მიმდინარე წლის განმავლობაში ფხენიანის მიერ განხორციელებული მეორე სარაკეტო ცდაა. პირველი 4 იანვარს მოხდა.

რაკეტების გაშვება დაემთხვა პენტაგონის მაღალჩინოსნის, ელბრიჯ კოლბის ვიზიტს სეულში, რომელმაც სამხრეთ კორეას „მოკავშირის მოდელი“ უწოდა.