ჩვენ არაერთხელ გვითქვამს, რომ მზად ვართ კომპრომისებისთვის, რომლებიც ომის რეალურ დასრულებამდე მიგვიყვანს, თუმცა ეს კომპრომისები ნამდვილად არ უკავშირდება უკრაინის ტერიტორიული მთლიანობის შეცვლას, - განაცხადა უკრაინის პრეზიდენტმა, ვოლოდიმირ ზელენსკიმ.

„ჯერჯერობით ჩვენ ვერ შევძელით კომპრომისის პოვნა ტერიტორიულ საკითხზე, კერძოდ, უკრაინის აღმოსავლეთ ნაწილთან დაკავშირებით. საუბარია უკრაინის დონეცკის ოლქზე. ჩვენ მიგვაჩნია, რომ უკრაინის მიმართ წაყენებული მკაცრი მოთხოვნები ნამდვილად არ არის კომპრომისი. ეს არის უკრაინის ტერიტორიული მთლიანობის შეცვლა. სწორედ ეს არის ის ფორმატი, რომელზეც რუსული მხარე საჯაროდ მიანიშნებს. ჩვენ არაერთხელ გვითქვამს, რომ მზად ვართ კომპრომისებისთვის, რომლებიც ომის რეალურ დასრულებამდე მიგვიყვანს, თუმცა ეს კომპრომისები ნამდვილად არ უკავშირდება უკრაინის ტერიტორიული მთლიანობის შეცვლას“, - აღნიშნა ვოლოდიმირ ზელენსკიმ.

მან აღნიშნა, რომ ამერიკული მხარე იზიარებს ამ პოზიციას და „გვთავაზობს კომპრომისულ გადაწყვეტილებას თავისუფალი ეკონომიკური ზონის შესახებ“.

„კონკრეტულ ტერიტორიაზე კონტროლის საკითხი, თუნდაც თავისუფალი ეკონომიკური ზონის შემთხვევაში, ასევე სამართლიანი უნდა იყოს. კერძოდ, უკრაინის კონტროლი იმ ტერიტორიებზე, რომლებსაც ჩვენ ვაკონტროლებთ. დაახლოებით ასეთია ჩვენი ხედვა, რომელიც პირველად ხაზგასმით აღინიშნა აბუ-დაბიში, სამმხრივ ფორმატში. ვგულისხმობ, რომ ამ ფორმატში ეს პირველად მოხდა ღიად მხარეებს შორის“, - აღნიშნა პრეზიდენტმა.