აშშ-ის ფედერალურმა მოსამართლემ უარი თქვა მინეაპოლისში ფედერალური აგენტების მუშაობის შეჩერების მოთხოვნაზე. ამის შესახებ ინფორმაციას „როიტერი“ ავრცელებს.

მედიის ინფორმაციით, ფედერალურმა მოსამართლემ, ქეით მენენდესმა განაცხადა, რომ მინესოტას პროკურორმა ნათლად აჩვენა იმიგრაციის აგენტების ტაქტიკა, მათ შორის სროლები და რასობრივი პროფილირების მტკიცებულებები.

მოსამართლის შეფასებით, ეს „ღრმა და გულდასაწყვეტ შედეგებსაც კი იწვევდა მინესოტას შტატის მცხოვრებლებზე“, თუმცა, მისივე თქმით, ფედერალურმა სააპელაციო სასამართლომ ცოტა ხნის წინ გააუქმა გაცილებით ვიწრო აკრძალვა, რომელიც ზღუდავდა მინესოტაში, აშშ-ის იმიგრაციისა და საბაჟო სამსახურის ურთიერთობას აქციის მონაწილეებთან და ამან გარკვეული შედეგები მოიტანა.

„ეს აკრძალვა თუ ძალიან შორს წავიდა, მაშინ აქ განსახილველი აკრძალვა, მთელი ოპერაციის შეჩერება, ნამდვილად შორს წავიდოდა“, – განმარტა მოსამართლემ.

ცნობისთვის, სასამართლოში წარდგენილი სარჩელი მიზნად ისახავდა აშშ-ის შიდა უსაფრთხოების დეპარტამენტის ოპერაციის დაბლოკვას ან შეზღუდვას.