დავით ქართველიშვილი: სწორედ იმისთვის შეიქმნა გამჭვირვალობის კანონი, რომ არ გვქონდეს ეჭვები, მათ შორის ისეთ მგრძნობიარე თემებზე, როგორც შშმ პირებისთვის გაწეული დახმარებით სპეკულირებაა
სარეკლამო ადგილი - 10
650 x 60
230 30 მაისი 2024, 16:24
პარტია „ხალხის ძალის“ წევრი დავით ქართველიშვილი სოციალურ ქსელში წერს, რომ „ფეა თრიიზის", მიერ გამჭვირვალობის კანონის მომიზეზებით, ონში ბავშვთა სტომატოლოგიური კლინიკის პროექტის შეჩერების ფაქტმა ორი რამ შეახსენა.

მისივე თქმით,  პირველი ეს არის  - ყირგიზეთში მიღებული გამჭვირვალობის კანონის შემდეგ „სოროსის ფონდი“,  რომელმაც ქვეყანა დატოვა და მეორე - USAID-ის ერთ-ერთი პროექტი, რომელიც მცხეთის რაიონში შეზღუდული შესაძლებლობის მქონე პირთა გამოვლენის 6-თვიანი პროგრამა იყო. 

„დღეს გახდა ცნობილი, რომ ერთ-ერთმა NGO-მ, „ფეა თრიიზმა",  გამჭვირვალობის კანონის მომიზეზებით, ონში შეაჩერა ბავშვთა სტომატოლოგიური კლინიკის პროექტის განხორციელება, რომელსაც სრულად ონის მუნიციპალიტეტის მერია დააფინანსებს. ამ ფაქტმა ორი რამ შემახსენა...

პირველი - ყირგიზეთში მიღებული "გამჭვირვალობის კანონის" თანახმად, დეკლარირების  პირველივე მოთხოვნამდე ვერ მისული "სოროსის ფონდი", რომელმაც ამჯობინა ქვეყნის დატოვება, რეესტრში თავისი ფინანსური დანახარჯებისა და მათი მიზნობრიობის გამჟღავნებას.

და მეორე მკაფიო მაგალითი - USAID-ის მიერ მეტად მნიშვნელოვანი ერთ-ერთი პროექტი: მცხეთის რაიონში შეზღუდული შესაძლებლობის მქონე პირთა გამოვლენის 6-თვიანი პროგრამა, რომელშიც ჩართული იყო ათამდე დარგობრივი ადგილობრივი კვალიფიციური მედიკოსი, რომელიც ნახევარი წლის განმავლობაში სოფელ-სოფელ ავლენდა ამ კატეგორიის პირებს და პირველადი დახმარების გარდა, მათ აღრიცხვას აწარმოებდა.

ამ საქმიანობაში ქართული NGO ქართველ სპეციალისტებს თვეში 300 ლარს ურიცხავდა. ანუ, 6-თვიანი პროგრამის ფარგლებში, საქმის რეალურ გამკეთებლებს ანაზღაურების სახით, სადღაც 18 ათასი ლარი ჩაურიცხეს ($6700). მე იმის წარმოდგენაც კი მზაფრავს, ამ ნახევარწლიან პროგრამაში, USAID-ს რამდენი ჰქონდა გამოყოფილი, რამდენი მიითვისა NGO-ს "სტაფმა" და სად წავიდა დანარჩენი თანხა.

მსგავსი ეჭვები რომ არ მაწუხებდეს, სწორედ ამისთვის შეიქმნა გამჭვირვალობის კანონი, რათა მათ შორის ისეთ მგრძნობიარე თემებს, როგორც შშმ პირებისთვის გაწეული დახმარებით სპეკულირებაა - ბოლო დაესვას. ონში მაგალითად, „ფეა თრიიზის" მიერ ბოლომდე ვერ მიყვანილ საქმეს წარმატებით გაუმკლავდება ადგილობრივი მუნიციპალიტეტი. 



დიდი ალბათობით, მსგავსი სურათი გამოვლინდება ბევრ სხვა შემთხვევაშიც. ანუ, თუ მცხეთის რაიონში 6-თვიან კვალიფიციური სამედიცინო მომსახურე სპეციალისტებისთვის გაიმეტეს 6700 დოლარი, იგივე საქმიანობაში სამმაგი გასამრჯელო, რომ გამოეყო ადგილობრივ ან ცენტრალურ ბიუჯეტს, რა კოლოსალურ შედეგობრივ სხვაობას მივიღებდით გაკეთებულ საქმესა და კონკრეტული NGO-თვის გამოყოფილ თანხებს შორის,“ - წერს დავით ქართველიშვილი.
სარეკლამო ადგილი - 11
650 x 60
სამხრეთ კორეის პრეზიდენტმა ტრამპს სთხოვა ითამაშოს აქტიური როლი კორეის ნახევარკუნძულზე მშვიდობის დამყარების პროცესში... შემდეგი გაჩერება - საქართველო უნდა იყოს
ედიშერ გვენეტაძე: კონსტიტუცია ქვეყნის ძირითადი კანონია, ის არ უნდა იყოს მორგებული ვინმეზე - 2018 წლიდან დღემდე, ერთხელაც არ შეცვლილა საქართველოს ძირითადი კანონი და ის ცალსახად ემსახურება ქვეყნის დამოუკიდებლობის განმტკიცებას
სოსო არჩვაძე: დასავლეთის მხრიდან რომ სწორედ პოლიტიკური ხედვები უდევს საფუძვლად მოლდოვისთვის საქართველოსთან შედარებით უპირატესობის მინიჭებას, ამის საილუსტრაციოდ მოვიტან რამდენიმე მაჩვენებელს
დავით ჩიხელიძე: მამუკა მდინარაძის პროფესიული ბიოგრაფია ქმნის მყარ საფუძველს, რომ უსაფრთხოების სამსახურმა საქმიანობა განახორციელოს მაღალი სტანდარტებით, გამჭვირვალე და პასუხისმგებლობიანი მიდგომებით
სუსის უფროსად მამუკა მდინარაძის დანიშვნა ამ ქვეყნის შიდა და გარე მტრებისთვის ძალიან დიდი დარტყმა იქნება - სახელმწიფოსთვის ეს დარგი კიდევ უფრო პრიორიტეტული და მნიშვნელოვანი ხდება
არქივი