420
24 ივნისი 2024, 23:22
მისი თქმით, გასაგებია, რომ საქართველოს ნატო-ს პარტნიორობის ღონისძიებაზე არ ყოფნით ნატო დიდად არ დაზარალდება, მაგრამ რუსეთს კი ნამდვილად გაუხარდება და ოპოზიციაც სიამოვნებით მოისრისავს ხელებს.
„ნატოში უკრაინის ვითომდა მომავალში შესვლის გამო რუსეთი უკრაინაში შეიჭრა, მერე აღმოჩნდა, რომ ისედაც არავინ არ იღებს მათ ნატოში. უკრაინას რამდენჯერმე უთხრეს ნატო დაივიწყოს მანამ... სანამ რუსეთს ომში არ დაამარცხებს! ისე ნატოს წევრებს და წევრობის მოსურნეების უმეტესობას (99.9%) რუსეთისგან თავდასაცავად სჭირდებათ ჩრდილოატლანტიკური ალიანსი და უკრაინამ თუ რუსეთი დაამარცხა, მაშინ რა ვიცი სჭირდებათ ნატო? მოკლედ დიდი ცინიზმია.
ამ ცინიზმის გამოხატულებაა ჩვენს მიმართ დამადლებით გამოთქმული განცხადება - “საქართველო და ყველა პარტნიორი ნატო-ს პარტნიორობის ღონისძიებებში მონაწილეობის მისაღებად იქნება მოწვეული” - განაცხადა აშშ-ის სახელმწიფო მდივნის თანაშემწემ ევროპისა და ევრაზიის საკითხებში, ჯიმ ო’ბრაიენმა. ამ განცხადებით რას გვეუბნებიან? ამჯერად გეპატიჟებითო, ოღონდ ნატოში კი არა ღონისძიებაზეო... გასაგებია, რომ ჩვენი იქ არ ყოფნით ნატო დიდად არ დაზარალდება, მაგრამ რუსეთს კი ნამდვილად გაუხარდება - ოპოზიციაც სიამოვნებით მოისრისავს ხელებს... ახლა კი ყველა დაფიქრდეს ჩვენთან მედიდურობით და დამადლებით საუბარი ვის წისქვილზე ასხამს წყალს?“ - წერს ლევან ნიკოლეიშვილი.
| სარეკლამო ადგილი - 11 650 x 60 |
