Euractiv: რუსმა და ჩინელმა ჰაკერებმა ჩეხეთზე შარშან კიბერთავდასხმები განახორციელეს
სარეკლამო ადგილი - 10
650 x 60
73 10 ივლისი 2024, 16:09
ჩეხეთის სტრატეგიული ობიექტები გასულ წელს ოთხჯერ გახდა ჰაკერული თავდასხმის მსხვერპლი. ინფორმაციას ამის შესახებ Euractiv-ი ჩეხეთის კიბერ და საინფორმაციო უსაფრთხოების ეროვნული სააგენტოს მიერ მომზადებულ დასკვნაზე დაყრდნობით ავრცელებს.

დასკვნის თანახმად, რომელზეც ჩეხეთის მთავრობამ უნდა იმსჯელოს, შარშან კიბერ სივრცეში ინციდენტების რაოდენობამ რეკორდულ მაჩვენებელს მიაღწია, თუმცა სერიოზული ჰაკერული თავდასხმების რაოდენობა შემცირებულია.

„გასულმა წელმა რუსეთის ფედერაციასთან და ჩინეთის სახალხო რესპუბლიკასთან დაკავშირებული სუბიექტების ჩეხეთის სტრატეგიული ობიექტების მიმართ არსებული ინტერესი დაადასტურა“, - ციტირებს Euractiv-ი ჩეხეთის კიბერ და საინფორმაციო უსაფრთხოების ეროვნული სააგენტოს დირექტორს ლუკაშ კინტრს.

დასკვნაში აგრეთვე ნათქვამია, რომ რუსი და ჩინელი ჰაკერები კონფიდენციალური სამთავრობო ინფორმაციის მოპოვებას ცდილობდნენ. უსაფრთხოებიდან გამომდინარე დოკუმენტში არ არის დაკონკრეტებული, თუ რომელი დაწესებულებები გახდნენ კიბერთავდასხმის მსხვერპლი.

დოკუმენტში ასევე აღნიშნულია, რომ კიბერშეტევებში ჩრდილოკორეული ჰაკერული დაჯგუფება Lazarus-იც მონაწილეობდა, რომელსაც ნატოსა და ევროკავშირის სამხედრო სამრეწველო კომპანიების კომპრომეტირება სურს.

გასულ წელს ირანთან დაკავშირებული ჰაკერები, რომლებიც ჩეხეთის მიერ ისრაელის მხარდაჭერას ეწინააღმდეგებიან, აგრეთვე მოქმედებდნენ ქვეყანაში და მათი სამიზნე წყლის რესურსების მართვის სისტემები იყო.
სარეკლამო ადგილი - 11
650 x 60
პროკურატურამ ნარკოტიკული საშუალების უკანონო შეძენა, შენახვის და რეალიზაციის მომზადების ფაქტებზე დაკავებულებს ბრალდება წარუდგინა
ისრაელის თავდაცვის მინისტრი - არ შეიძლება, რომ აიათოლა ალი ხამენეის მსგავსმა დიქტატორმა არსებობა გააგრძელოს
საქართველოში ირანის ელჩი აცხადებს, რომ სახმელეთო საზღვრები ღიაა და მოქალაქეებს თავისუფლად შეუძლიათ ირანის ტერიტორიის დატოვება
პროფესიული კავშირების გაერთიანების ორგანიზებითა და შრომის საერთაშორისო ორგანიზაციის (ILO) მხარდაჭერით, ბათუმში გაიმართა ორდღიანი კონფერენცია
თამარ არღვლიანი: პირველი დახვრეტა ჩვენთვის ის იყო, რომ უდანაშაულო შვილი დამიხვრიტეს, შპიონაჟი დასწამეს. სააკაშვილი თავზე ლაფს გვასხამდა, შამათავა გმირია, ციხეში რატომ უნდა იჯდესო. ამ ამბავს გადაჰყვა ჩემი მეუღლეც
არქივი