ექსპერტი დავით ჩიხელიძე, ექსპრეზიდენტ მიხეილ სააკაშვილის განცხადებას გამოეხმაურა და აღნიშნა, რომ „აუცილებელია, მოხდეს არჩევნების როგორც პროცესის დაცვა და ოპოზიციის რევოლუციური სცენარის შესახებ საზოგადოების ინფორმირება“. 

„აუცილებელია, მოხდეს არჩევნების როგორც პროცესის დაცვა და ოპოზიციის რევოლუციური სცენარის შესახებ საზოგადოების ინფორმირება. გუშინ მიხეილ სააკაშვილმა ოპოზიციის ნამდვილი გეგმების შესახებ ისაუბრო, რომელიც არა არჩევნებს, არამედ მის შემდგომ პერიოდს უკავშირდება, სააკაშვილის განცხადებით, აუცილებელია მოხდეს პროცესების რადიკალიზაცია, რაც ქუჩაში დგომაში გამოიხატება, აქციები შესაძლოა რამდენიმე თვე გაგრძელდეს..... აუცილებელია, მოხდეს არჩევნების როგორც პროცესის დაცვა და ოპოზიციის რევოლუციური სცენარის შესახებ საზოგადოების ინფორმირება.

აღნიშნული კონსპირაციის თეორია არ გახლავთ, ეს არის ოპოზიციის რეალური გეგმა რასაც სააკაშვილი ადასტურებს. რამდენიმე დღის უკან ნიკა გვარამია ცესკოს მუშაობით აღფრთოვანებული გახდათ, მისი განცხადებით შეუძლებელია არჩევნების გაყალბება, ხმის მიცემის, დათვლის, ვერიფიკაციის აპარატები სრულიად გამართულია და გარე ჩარევისგან დაცული, რაც ხმის გაყალბებას გამორიცხავს, სააკაშვილი კი წინსწრებით აცხადებს, რომ არჩევნების გაყალბება მოხდება, რაც ნიშნავს, რომ ოპოზიციას კვლევის რეალური შედეგები აქვს, სადაც შავით თეთრზე წერია, რომ მათი ელექტორალური მხარდაჭერა კრიტიკულად დაბალია, არჩევნების გზით უმრავლესობით ვერ მოდის, რაც მათ გეგმებში არ შედის, შესაბამისად ოპოზიცია იწყებს გეგმა ბ-ზე მუშაობას, რაც არჩევნების არალეგიტიმურად ცნობას და აქციებს მოიცავს.

ოპოზიციის ყველა გეგმა მარცხისთვის არის განწირული, რადგან როგორც არჩევნების მოგებას, ასევე რევოლუციას ხალხის მხარდაჭერა სჭირდება, რაც ოპოზიციას არ გააჩნია. დღეს ხალხი და ოპოზიცია ერთმანეთისგან ისე შორის არის, როგორც არასდროს !“, - წერს ჩიხელიძე.