არცერთი კითხვის ნიშანი არ უნდა დარჩენილიყო არცერთი ქართველი ჯარისკაცის მიმართ და ეს მიზანი არის მიღწეული. ახლა შეგვიძლია უკვე თამამად ვისაუბროთ საზოგადოების დაკვეთასა და მოთხოვნაზე, რომელიც დაკავშირებულია კონკრეტულ პასუხისმგებლობასთან, - ამის შესახებ ირაკლი შატაკიშვილი აცხადებს.
პარლამენტის საპროცედურო საკითხთა კომიტეტის თავმჯდომარის პირველი მოადგილე „ქრონიკასთან“ გამოეხმაურა „ქართული ოცნების“ პოლიტსაბჭოს განცხადებას, რომ 2008 წლის აგვისტოს მოვლენები აუცილებლად იქნება გამოძიებული არჩევნების შემდეგ.
„ჩვენი პოლიტიკური გუნდისთვის პრინციპულად მნიშვნელოვანი იყო, რომ დასრულებულიყო ყველა [2008 წლის აგვისტოს მოვლენებთან დაკავშირებული] სამართლებრივი პროცესი სტრასბურგსა და ჰააგაში. დასრულდა კიდეც ჩვენი ხელისუფლების დიდი ძალისხმევითა და ქვეყნის გამარჯვებით. არცერთი კითხვის ნიშანი არ უნდა დარჩენილიყო არცერთი ქართველი ჯარისკაცის მიმართ და ეს მიზანი არის მიღწეული. ახლა შეგვიძლია უკვე თამამად ვისაუბროთ საზოგადოების დაკვეთასა და მოთხოვნაზე, რომელიც დაკავშირებულია საჯარო-სამართლებრივ პროცესთან და კონკრეტულ პასუხისმგებლობასთან, რასაც არჩევნების შემდგომ აუცილებლად მივაღწევთ“, - აღნიშნა შატაკიშვილმა.
| სარეკლამო ადგილი - 11 650 x 60 |
