დავით ჩიხელიძე: ომსა და მშვიდობას შორის ტოლობის ნიშნის დასმა პოლიტიკურ სიბეცეზე მიანიშნებს, ომი მშვიდობის ალტერნატივად არ გამოდგება, დღეს რომ ეკონომიკური ზრდა გვაქვს, მშვიდობის დამსახურებაა
სარეკლამო ადგილი - 10
650 x 60
239 17 სექტემბერი 2024, 15:27

ომსა და მშვიდობას შორის ტოლობის ნიშნის დასმა პოლიტიკურ სიბეცეზე მიანიშნებს, ომი მშვიდობის ალტერნატივად არ გამოდგება, დღეს რომ ეკონომიკური ზრდა გვაქვს, მშვიდობის დამსახურებაა, რომელმაც ჩვენს ქვეყანას განვითარების ახალი შესაძლებლობა გაუხსნა, - წერს სოციალურ ქსელში ექსპერტი, დავით ჩიხელიძე.

მისი განცხადებით, უკრაინის მაგალითი ნათლად აჩვენებს, თუ რა მოაქვს ომს, კერძოდ, ეკონომიკის შემცირება, ქვეყნიდან მოსახლეობის მასობრივად გამგზავრება, შემცირებული სამუშაო ადგილები, მრავალი დაღუპული და დაკარგული ტერიტორიები.

ჩიხელიძე აღნიშნავს, რომ ომის დაწყება სულელსაც შეუძლია, მშვიდობის დაცვა კი რჩეულთა ხვედრია. "ომსა და მშვიდობას შორის ტოლობის ნიშნის დასმა პოლიტიკურ სიბეცეზე მიანიშნებს, ომი მშვიდობის ალტერნატივად არ გამოდგება, დღეს რომ ეკონომიკური ზრდა გვაქვს, მშვიდობის დამსახურებაა, რომელმაც ჩვენს ქვეყანას განვითარების ახალი შესაძლებლობა გაუხსნა. რა ხდება ამ დროს უკრაინაში? ქვეყნის ეკონომიკა მინიმუმ 30%-ით შემცირდა, უკრაინა დატოვა 10 მილიონმა ადამიანმა, სამუშაო ადგილების რაოდენობა 3,5 მილიონით შემცირდა, დაკარგა ტერიტორიის 23% , გარდაცვლილი და უგზო უკვლოდ დაკარგულად ითვლება ასობით ათასი ადამიანი, განადგურებულია ინფრასტრუქტურის უდიდესი ნაწილი და ა.შ. ქვეყნის აღდგენას მინიმუმ 500 მილიარდი დოლარი და რამდენიმე ათეული წელი სჭირდება, ეს ყველაფერი მოაქვს ომს და მეორე ფრონტს, მზად ხართ პოლიტიკური ავანტიურის გამო ოჯახის წევრი დაკარგოთ? სამსახურის და შემოსავლის გარეშე დარჩეთ? საკუთარი ქვეყანა დატოვოთ და ა.შ... ომის დაწყება სულელსაც შეუძლია (რაშიც სააკაშვილის მაგალითი გვარწმუნებს) მშვიდობის კბილებით დაცვა კი რჩეულთა ხვედრია, რომელთაც საკუთარი ქვეყნის და მოსახლეობის წინაშე აღებული პასუხისმგებლობის დაცვა და მისთვის ბრძოლა შეუძლია!" - წერს დავით ჩიხელიძე.

სარეკლამო ადგილი - 11
650 x 60
ზურაბ ქადაგიძე: თემა აღარ აქვთ და ახალი „ფეიკი“ გამოაცხვეს, თითქოს მიშა მესხი კულტურის საკითხებში პრეზიდენტის მრჩევლად დაინიშნა
ნინო ფოჩხუა: მიშა მესხი საპარლამენტო საგამოძიებო კომისიაზე იყო მიწვეული, წამსვე ფეიკს ფეიკზე უგონებენ - ეს ხომ ერთდღიანი ტყუილია, რომლის შემოწმებასაც წუთიც არ სჭირდება
დავით ქართველიშვილი ისრაელ-ირანის ომზე: ძალიან სახიფათოა, როდესაც ვინმე რომელიმე პოზიციას ეთანხმება და ცალსახად მოუწოდებს ხელისუფლებას ამა თუ იმ ქვეყნის მხარდაჭერისაკენ
ვატო შაქარიშვილი: ინფორმირებულობა და სიმართლის ცოდნა „დიფ სთეითზე“, ოლიგარქიულ ოჯახებზე იყო ერთ-ერთი მნიშვნელოვანი დამცავი ფარი ქართული სახელმწიფოსთვის
ბრიუსელის გადაწყვეტილებების მოტივატორია ის, რომ საქართველო ევრობიუროკრატიას და „ევროსაბჭოთა კავშირს“ ხელიდან გაუსხლტა ისე, როგორც ამას აკეთებდა ყველა იმპერიასთან მიმართებით
არქივი